Indianapolis janubi-g‘arbida (Indiana shtati) Brinks kompaniyasiga tegishli zirhli avtomobil harakatlanib ketayotgan vaqtida orqa eshigi ochilib ketgan, natijada undan ichida dollar kupyuralari bo‘lgan bir nechta qop tushib qolgan, deb xabar berdi “TASS”.
“Ichida pul bor qoplar shossega tushib qolgan. Sodir bo‘lgan voqea qaysidir film voqealarini eslatib yubordi: banknotalar hamma joyda uchib yurar, mashinalar to‘xtab, uning ichidan tushgan odamlar esa pul yig‘ardi. Har kuni ham yo‘l bo‘ylab uchib yurgan pullarni ko‘ravermaysan. Haqiqiy tartibsizlik yuzaga kelgandi”, — deydi politsiyachi Brok Makkoy.
Ma’lumotlarga ko‘ra, zirhli mashina o‘zini quvib o‘tayotgan haydovchilar ogohlantirganidan keyingina to‘xtagan.
Taxminlarga ko‘ra, yo‘lga tushib qolgan pullarning umumiy qiymati 600 ming dollarga teng. Politsiya yo‘ldagi pullarini yig‘ib olishga ulgurgan maktab avtobusi haydovchisini va oq pikapning to‘rt nafar yo‘lovchisini qidirmoqda.
Izoh (0)