Qozog‘istonning Aqto‘be shahridagi fojiada halok bo‘lgan fuqarolarnig oila a’zolariga xayriya mablag‘larini yetkazish ishlari davom etmoqda. Xususan, 27-aprel kuni farg‘onalik 16 nafar Aqto‘be qurbonlari oilalariga 6 mln 300 ming so‘mdan xayriya puli yetkazildi. Bu haqda taniqli oshpaz Bahriddin Chustiy o‘zining Facebook’dagi sahifasida ma’lum qildi.
“Yodingizda bo‘lsa bundan bir necha oy muqaddam Aqto‘be shahrida vafot etgan, vatandoshlarimiz oila a’zolari uchun xayriya puli yig‘ilgan edi.
Birinchi bosqichda yigilgan 330 millon so‘mning bir qismini Namangan viloyatidagi 33 nafar marhumlar xonadoniga yetkazilgan edi.
Kuni kecha Farg‘ona viloyati Toshloq tumanidagi 16 nafar marhumlar xonadoniga 6 300 000 so‘mdan yig‘ilgan xayriya pulini Toshloq tuman imomi, tuman hokimligi vakili va mahalla raisi boshchiligida topshirib kelindi.
Navbatdagi bosqichda 3 nafar marhumning xonadoniga yetkaziladi.
Xayriyada ishtirok etgan, hissa qo‘shgan va o‘z yordamini ayamagan barcha vatandoshlarimizga cheksiz minnatdorchiligimizni izhor etib qolamiz”, — deb yozadi Bahriddin Chustiy.
Izoh (0)