O‘zbekiston delegatsiyasi Pokistonda muzokaralar o‘tkazmoqda

Tashqi savdo vaziri Jamshid Xo‘jayev boshchiligida O‘zbekiston delegatsiyasi ikki tomonlama uchrashuvlar o‘tkazish va dolzarb masalalar yuzasidan fikr almashish uchun Pokistonga keldi. Bu haqda vazirlik axborot xizmati xabar bermoqda.

Xususan, Pokiston qishloq xo‘jaligi va oziq-ovqat xavfsizligi, Savdo va Tashqi ishlar vazirliklarida uchrashuvlar rejalashtirilgan.

Shuningdek, savdo-sanoat palatalari va yirik kompaniyalar vakillari bilan muloqotda bo‘lish, mamlakat ishbilarmon doiralari ishtirokida V2V shaklida muzokaralar o‘tkazish ko‘zda tutilgan.

O‘zbekiston delegatsiyasi tarkibiga Savdo-sanoat palatasi Adham Ikromov, Investitsiyalar davlat qo‘mitasi, “O‘zto‘qimachiliksanoat”, “O‘zsanoateksport”, “O‘zagrotexmash”, “O‘zbekcharmpoyabzali”,  Farmatsevtika tarmog‘ini rivojlantirish agentligi mas’ul rahbarlari kirgan.