O‘zA bugungi kunda umumta’lim maktabi o‘qituvchilarining o‘rtacha oylik ish haqi miqdorlari to‘g‘risidagi ma’lumotlarni taqdim etdi.
Bugungi kunda umumta’lim maktablarining malaka toifaga ega bo‘lmagan oliy ma’lumotli boshlang‘ich sinf o‘qituvchisining oylik maoshi 1 133 700 so‘mni, shu toifadagi yuqori sinf o‘qituvchisining oylik maoshi 1 004 547 so‘mni tashkil etadi.
Shu bilan birga, O‘zbekiston Respublikasi Vazirlar Mahkamasining 2005-yil 21-dekabrdagi “Xalq ta’limi xodimlari mehnatiga haq to‘lashning takomillashtirilgan tizimini tasdiqlash to‘g‘risida”gi 275-sonli qaroriga muvofiq umumta’lim muassasalari o‘qituvchilariga quyidagi qo‘shimcha haq to‘lanadi:
- Sinf rahbarligi uchun – eng kam oylik ish haqining 100 foizi;
- Daftarlarni va yozma ishlarni tekshirganlik uchun - eng kam oylik ish haqining 50 foizi miqdorida.
- Mazkur qarorga muvofiq umumta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasi mablag‘lari hisobidan bazaviy tarif stavkalariga:
- Tarbiyaviy jarayon amalga oshirilishining sifati va samaradorligiga, sinfdan tashqari ishlarga qo‘shilgan aniq shaxsiy hissaga qarab hamda sinfdan tashqari ishlar uchun 15 foizgacha miqdorda;
- O‘qitishning yuqori samaradorligi va sifati uchun 25 foizgacha miqdorda qo‘shimcha ustama belgilanadi.
Ushbu ish haqi miqdorlaridan soliqlar va ushlanmalarni chegirib hisoblasak, boshlang‘ich sinf o‘qituvchisi 1 312 620 so‘m, yuqori sinf o‘qituvchisi 1 195 607 so‘m oylik ish haqi qo‘liga oladi”, — deyiladi xabarda.
Bundan tashqari, O‘zbekiston Prezidentining 2012-yil 10-dekabrdagi “Chet tillarni o‘rganish tizimini yanada takomillashtirish chora-tadbirlari to‘g‘risida”gi PQ-1875-sonli qaroriga asosan umumta’lim muassasalarining chet-tili o‘qituvchilariga qishloq joylarda joylashgan ta’lim muassasalarida ularning tarif stavkalariga yana 30 foiz hamda boshqa ta’lim muassasalarida 15 foiz qo‘shimcha haq to‘lanadi.
Izoh (0)