Asosiy qismi IShID vakillari bo‘lgan taxminan 10 ming nafar jangari ayni paytda Afg‘oniston hududida joylashgan. Bu haqda, Rossiya Markaziy harbiy okrugi qo‘shinlari qo‘mondoni general-leytenant Aleksandr Lapinga tayanib, “RIA Novosti” xabar berdi.
Qo‘mondonning so‘zlariga ko‘ra, Suriya va Iroqda IShID yakson qilingach, ular boshqa mintaqalarga ko‘cha boshlagan. Bunda guruhlar yetakchilari asosiy e’tiborni Markaziy Osiyo mamlakatlariga qaratmoqda. Ular Markaziy Osiyo mamlakatlari hududida islom xalifati tuzishni maqsad qilgan.
Lapinning qo‘shimcha qilishicha, IShID salohiyatining Markaziy Osiyoda mustahkamlanishiga turli radikal ekstremistik tashkilotlarning Yaqin Sharqdan kelayotgan oqimi xizmat qilmoqda. General-leytenantning ta’kidlashicha, jangarilar doimiy ravishda mahalliy aholi orasida tashviqot olib borish va uning Afg‘oniston hududida tayyorlanishi uchun tadbirlar o‘tkazmoqda.
Izoh (0)