Асосий қисми ИШИД вакиллари бўлган тахминан 10 минг нафар жангари айни пайтда Афғонистон ҳудудида жойлашган. Бу ҳақда, Россия Марказий ҳарбий округи қўшинлари қўмондони генерал-лейтенант Александр Лапинга таяниб, «РИА Новости» хабар берди.
Қўмондоннинг сўзларига кўра, Сурия ва Ироқда ИШИД яксон қилингач, улар бошқа минтақаларга кўча бошлаган. Бунда гуруҳлар етакчилари асосий эътиборни Марказий Осиё мамлакатларига қаратмоқда. Улар Марказий Осиё мамлакатлари ҳудудида ислом халифати тузишни мақсад қилган.
Лапиннинг қўшимча қилишича, ИШИД салоҳиятининг Марказий Осиёда мустаҳкамланишига турли радикал экстремистик ташкилотларнинг Яқин Шарқдан келаётган оқими хизмат қилмоқда. Генерал-лейтенантнинг таъкидлашича, жангарилар доимий равишда маҳаллий аҳоли орасида ташвиқот олиб бориш ва унинг Афғонистон ҳудудида тайёрланиши учун тадбирлар ўтказмоқда.
Изоҳ (0)