Farg‘ona viloyatida umumta’lim maktablari, o‘rta maxsus, kasb-hunar ta’limi muassasalarining ma’naviy-ma’rifiy ishlar bo‘yicha o‘rinbosarlari, Yoshlar ittifoqining ta’lim muassasalaridagi yetakchilari, dinshunoslikka oid fanlar o‘qituvchilarining diniy ekstremizm va terrorizmning oldini olishga qaratilgan bilimlarini oshirish bo‘yicha o‘quv seminarlari bo‘lib o‘tmoqda. Bu haqda “Daryo” muxbiri xabar berdi.
Foto: Aziz ErmatovQo‘shtepa tumanidagi 15-sonli bolalar musiqa va san’at maktabida o‘kazilgan o‘quv seminarida yoshlar ta’lim-tarbiyasiga mas’ul mutaxassislarning diniy ekstremizm, terrorizm, aqidaparastlik, missionerlik singari buzg‘unchi g‘oyalarning oldini olishga qaratilgan bilim va ko‘nikmalari yana mustahkamlandi.
“Tafakkur ehtiyoji” hujjatli filmining namoyishi hamda mavzuga doir rasmlar ko‘rgazmasida yot illatlar va uning domiga tushgan kimsalarning tinchlik va farovonlikka rahna soluvchi qiyofasi aks etdi.
Marg‘ilon pedagogika kollejida ham shunday seminar bo‘lib o‘tdi. Targ‘ibot guruhi a’zolarining mavzuga oid ma’ruzalari tinglandi, hujjatli film namoyish etildi.
O‘quv seminarlari 19-aprelga qadar viloyatning barcha shahar va tumanlarida o‘tkaziladi.
Izoh (0)