Фарғона вилоятида умумтаълим мактаблари, ўрта махсус, касб-ҳунар таълими муассасаларининг маънавий-маърифий ишлар бўйича ўринбосарлари, Ёшлар иттифоқининг таълим муассасаларидаги етакчилари, диншуносликка оид фанлар ўқитувчиларининг диний экстремизм ва терроризмнинг олдини олишга қаратилган билимларини ошириш бўйича ўқув семинарлари бўлиб ўтмоқда. Бу ҳақда «Дарё» мухбири хабар берди.
Фото: Азиз ЭрматовҚўштепа туманидаги 15-сонли болалар мусиқа ва санъат мактабида ўказилган ўқув семинарида ёшлар таълим-тарбиясига масъул мутахассисларнинг диний экстремизм, терроризм, ақидапарастлик, миссионерлик сингари бузғунчи ғояларнинг олдини олишга қаратилган билим ва кўникмалари яна мустаҳкамланди.
«Тафаккур эҳтиёжи» ҳужжатли фильмининг намойиши ҳамда мавзуга доир расмлар кўргазмасида ёт иллатлар ва унинг домига тушган кимсаларнинг тинчлик ва фаровонликка раҳна солувчи қиёфаси акс этди.
Марғилон педагогика коллежида ҳам шундай семинар бўлиб ўтди. Тарғибот гуруҳи аъзоларининг мавзуга оид маърузалари тингланди, ҳужжатли фильм намойиш этилди.
Ўқув семинарлари 19 апрелга қадар вилоятнинг барча шаҳар ва туманларида ўтказилади.
Изоҳ (0)