Britaniyalik bloger Mayk Jivons bir hafta davomida “MakDonalds” yeguliklari bilan ovqatlandi va buni videoga oldi. U bu orqali bemalol yashay oldi va 2,2 kilogrammga ozdi. “Korrespondent.net” uning videosiga e’tibor qaratdi.
Jivons iste’mol qilinayotgan kaloriya, shuningdek, tuz va yog‘ miqdorini nazorat qilishni xohlagan. U parhez qilish orqali fastfud bilan ovqatlanish qanchalik real ekanligini tushunishni ham istagan.
Uchinchi kunda erkakda oshqozon bilan bog‘liq muammolar yuzaga kelgan, hafta oxirida esa o‘zini juda yomon his qilgan. Yettinchi kuni Jivons rafiqasi tomonidan tayyorlangan sog‘lom ovqat haqida orzu qilgan.
Erkak tajribasi so‘ngida yaqin kelajakda burgerni ko‘rishni xohlamasligini ma’lum qilgan.
Izoh (0)