Malayziyada sayyohlar kobra va pitonning olishuvini videoga oldi, deb xabar beradi Asia one.
Olishuv Penang shtatidagi botanika bog‘ida yuz berdi. Ikki metr uzunlikdagi piton to‘rt metrli kobrani o‘z tanasi bilan o‘rab oldi. Sudraluvchilar mana shunday holatda ikki soat vaqt o‘tkazdi.
Sayyohlardan biri kobraning boshiga tayoq bilan urib, uning o‘lik yoki tirikligini tekshirib ko‘rgan. Shunda kobra ushbu harakatga javoban boshini qimirlatgan.
Sayyohlar olishuvni uzoq kuzatgan, biroq ulardan qaysi biri g‘olib bo‘lganini hech kim bilolmagan.
Izoh (0)