Британиялик блогер Майк Живонс бир ҳафта давомида «МакДональдс» егуликлари билан овқатланди ва буни видеога олди. У бу орқали бемалол яшай олди ва 2,2 килограммга озди. «Корреспондент.net» унинг видеосига эътибор қаратди.
Живонс истеъмол қилинаётган калория, шунингдек, туз ва ёғ миқдорини назорат қилишни хоҳлаган. У парҳез қилиш орқали фастфуд билан овқатланиш қанчалик реал эканлигини тушунишни ҳам истаган.
Учинчи кунда эркакда ошқозон билан боғлиқ муаммолар юзага келган, ҳафта охирида эса ўзини жуда ёмон ҳис қилган. Еттинчи куни Живонс рафиқаси томонидан тайёрланган соғлом овқат ҳақида орзу қилган.
Эркак тажрибаси сўнгида яқин келажакда бургерни кўришни хоҳламаслигини маълум қилган.
Изоҳ (0)