Samarqand viloyati delegatsiyasining Xitoyga tashrifi davomida viloyat hokimi T.Jo‘rayev boshchiligidagi delegatsiya a’zolari Xitoyning Zhongtong Bus & Holding Co., Ltd kompaniyasi rahbariyati bilan muzokara olib bordi, deya xabar bermoqda viloyat hokimligi matbuot xizmati.
Mazkur kompaniya tashkil etilganiga 40 yil to‘lgan. Bugungi kunda bu yerda 4000 mingdan ko‘proq ishchi-xodim mehnat qiladi.
Kompaniya asosan shaharlararo va turistik avtobuslar ishlab chiqaradi. Hozir yuzdan ortiq modelda avtobus ishlab chiqarilmoqda. Birgina 2017-yilda 20 000 ta har xil modelda avtobus tayyorlangan, 3000 dan ortig‘i eksport qilingan. 2018-yilning o‘tgan davrida esa 2000 mingtasi eksportga jo‘natilgan.
Kompaniya bugungi kungacha O‘zbekistondagi turistik tashkilotlarga yuzdan ortiq avtobus sotgan. Shundan kelib chiqib, O‘zbekiston, jumladan Markaziy Osiyo davlatlari bozoriga turistik avtobuslar yetkazib berish kompaniyaning asosiy maqsadi ekani ta’kidlandi.
Uchrashuvda kompaniya ta’sischilari O‘zbekistonga tashrif buyurib, avtomobilsozlik bo‘yicha hamkorlik qilish to‘g‘risida “O‘zavtosanoat” aksiyadorlik jamiyati rahbariyati bilan muzokara o‘tkazish istagi borligini bildirdi.
Izoh (0)