Самарқанд вилояти делегациясининг Хитойга ташрифи давомида вилоят ҳокими Т.Жўраев бошчилигидаги делегация аъзолари Хитойнинг Zhongtong Bus & Holding Co., Ltd компанияси раҳбарияти билан музокара олиб борди, дея хабар бермоқда вилоят ҳокимлиги матбуот хизмати.
Мазкур компания ташкил этилганига 40 йил тўлган. Бугунги кунда бу ерда 4000 мингдан кўпроқ ишчи-ходим меҳнат қилади.
Компания асосан шаҳарлараро ва туристик автобуслар ишлаб чиқаради. Ҳозир юздан ортиқ моделда автобус ишлаб чиқарилмоқда. Биргина 2017 йилда 20 000 та ҳар хил моделда автобус тайёрланган, 3000 дан ортиғи экспорт қилинган. 2018 йилнинг ўтган даврида эса 2000 мингтаси экспортга жўнатилган.
Компания бугунги кунгача Ўзбекистондаги туристик ташкилотларга юздан ортиқ автобус сотган. Шундан келиб чиқиб, Ўзбекистон, жумладан Марказий Осиё давлатлари бозорига туристик автобуслар етказиб бериш компаниянинг асосий мақсади экани таъкидланди.
Учрашувда компания таъсисчилари Ўзбекистонга ташриф буюриб, автомобилсозлик бўйича ҳамкорлик қилиш тўғрисида «Ўзавтосаноат» акциядорлик жамияти раҳбарияти билан музокара ўтказиш истаги борлигини билдирди.
Изоҳ (0)