Pentagon Suriyaga berilgan aviahujumga aloqadorligi haqidagi ayblovlarga javob qildi

Pentagon ayni paytda Suriya bo‘yicha aviazarbalarni amalga oshirmayotganligini aytdi, deb yozadi “Gazeta.ru”.

“Ayni vaqtda mudofaa vazirligi Suriya bo‘yicha aviazarbalarni amalga oshirmayapti. Shunga qaramay, biz vaziyatni diqqat bilan kuzatishda va Suriyada yoki boshqa biron joyda kimyoviy qurol qo‘llaydigan kishilarni javobgarlikka tortish uchun davom etayotgan diplomatik harakatlarni qo‘llab-quvvatlashda davom etyapmiz”, — deyiladi muassasa bayonotida.

Nashr eslatishicha, avvalroq AQSh hukumatidagi rasmiy manbalar Suriyaning Xoms viloyatidagi Tiyfor (T-4) aviabazasiga berilgan raketa zarbasiga Amerikaning aloqador ekanligini rad etayotgani xabar berilgan edi.

Xoms viloyati sharqidagi T-4 aviabazasiga raketa hujumi berilgani haqida 9-aprelda ma’lum bo‘lgan edi.