Пентагон Сурияга берилган авиаҳужумга алоқадорлиги ҳақидаги айбловларга жавоб қилди

Пентагон айни пайтда Сурия бўйича авиазарбаларни амалга оширмаётганлигини айтди, деб ёзади «Газета.ru».

«Айни вақтда мудофаа вазирлиги Сурия бўйича авиазарбаларни амалга оширмаяпти. Шунга қарамай, биз вазиятни диққат билан кузатишда ва Сурияда ёки бошқа бирон жойда кимёвий қурол қўллайдиган кишиларни жавобгарликка тортиш учун давом этаётган дипломатик ҳаракатларни қўллаб-қувватлашда давом этяпмиз», — дейилади муассаса баёнотида.

Нашр эслатишича, аввалроқ АҚШ ҳукуматидаги расмий манбалар Суриянинг Хомс вилоятидаги Тийфор (Т-4) авиабазасига берилган ракета зарбасига Американинг алоқадор эканлигини рад этаётгани хабар берилган эди.

Хомс вилояти шарқидаги Т-4 авиабазасига ракета ҳужуми берилгани ҳақида 9 апрелда маълум бўлган эди.