“O‘zstandart” agentligi tomonidan iste’mol mahsulotlarini sinovdan o‘tkazishga oid yangi qonun loyihasi ishlab chiqildi. Bu haqda “Daryo” muxbiri xabar berdi.
“Shu paytgacha sifatsiz mahsulotlarni aniqlab, ishlab chiqaruvchi korxonalar faoliyatini tugatish tartibi qat’iy belgilanmagan edi. Yangi loyiha mahsulotni laboratoriya tekshiruvidan o‘tkazish, xulosalarni ommaga e’lon qilishninazarda tutadi. Natijalar yagona axborot portaliga jamlanadi”, — dedi agentlik xodimi Jamoliddin Meliboyev.
So‘nggi bir yil ichida “O‘zstandart” agentligiga sifatsiz mahsulotlar borasida 132 ta murojaat kelib tushgan. 217 ta tadbirkorlik faoliyati tugatilgan.
Loyihaga asosan agentlik hamda OAV ishtirokida bozor va supermarketlarda nazorat xaridlari o‘tkazish rejalashtirilgan.
Izoh (0)