“Daryo” tahririyatiga Buxoro viloyati Peshku tumanida yashovchi Olim Jamilov murojaat yo‘lladi. U o‘z murojaatida og‘ir kasallikka chalingan qizi Azizabonuning dori-darmonlarini sotib ololmayotganini bayon qiladi.
2015-yilda ushbu oila, xususan oilada ulg‘ayotgan to‘rt nafar murg‘ak bolalar taqdirning og‘ir sinoviga ro‘baro keldi. O‘sha yili bolalar onasiz qoldi. Olim Jamilovning rafiqasi Haqulova Shahnoza ko‘krak bezi saratoniga chalinib, vafot etdi.
“Turmush o‘rtogimni saqlab qolish uchun uch yil harakat qildik. Uni uzoq muddat davolatdik, juda ko‘p mablag‘ sarfladik. Afsuski, Ollohning irodasi ekan, bolalarimning onasini berib qo‘ydik”, — deydi Olim Jamilov.
Onasining vafotiga sekin-asta ko‘nika boshlagan bolalarga atalgan taqdirning sinovlari hali tugamagan ekan. Oilaning erka farzandi, 10 yoshli Azizabonuning oqqonga chalinishi oila uchun qattiq zarba bo‘ldi. Qanchalik og‘ir bo‘lmasin, haqiqatdan qochib qutulib bo‘lmas ekan. Azizabonu poytaxtdagi gematologiya va qon quyish institutining 1-bo‘limida bir muddat davolandi. Birinchi kurs davolanish muolajalariga 62 million so‘m pul sarflandi. Oldinda esa yana to‘rtta kurs muolaja bor.
Shifokorlarning aytishicha, qizaloqning ahvoli ijobiy tomonga o‘zgarmoqda. Agar zaruriy dori-darmonlar o‘z vaqtida yetkazib turilsa, u butunlay sog‘ayib ketishi mumkin. Biroq, Azizabonuning oilasi hozirda moddiy qiyinchiliklar girdobida qolgan. Shu sabab, qizchaning otasi saxovatpesha insonlardan yordam so‘rab, murojaat qilmoqda.
O‘ksik qalbi o‘rtanayotgan qizaloqning shifo topishiga ko‘mak beraylik!
Xayriya qilmoqchi bo‘lganlar uchun:
Otasi Olim Jamilovning telefon raqami: +998912282290
Karta raqami: 8600 0609 2767 2395
Hisob raqam: 23120000200000674100
MFO: 00674
Izoh (0)