Toshkent shahar Ichki ishlar bosh boshqarmasi 5-aprel kuni Toshkent shahar Olmazor tumanidagi Gulsaroy ko‘chasida (Qoraqamish 1/4) joylashgan mix ishlab chiqarish sexida yuz bergan yong‘in haqida rasmiy ma’lumot berdi.
“5-aprel kuni soat 18:57 da Toshkent shahar IIBB YXBga Qoraqamish 1/4 mavzesi, Gulsaroy koʻchasi 5-uyda joylashgan qurilish materiallari ishlab chiqaradigan sexda yongʻin sodir boʻlgani haqida xabar kelib tushdi. Voqea joyiga 8 ta yongʻin xavfsizligi xizmati maxsus mashinalari yetib keldi. Alanga yarim soat ichida qamrab olinib, soat 19:50 da toʻliq bartaraf etildi”, — deyiladi xabarda.
Ta’kidlanishicha, yongʻin oqibatida sexning 200 kv.m maydoni zarar koʻrgan. Jabrlanganlar yoʻq. Halokatga elektr simlaridagi qisqa tutashuv sabab boʻlgani taxmin qilinmoqda.
Izoh (0)