AQShning Texas shtatida yanvar oxirida bedarak yo‘qolgan o‘quvchi qizning ota-onasi u o‘zlari aytgan erkakka turmushga chiqishni istamagani uchun uni qiynoqqa solgan, deb yozadi Forum Daily.
16 yoshli Maarib Al-Xishmaviy 30-yanvar kuni yo‘qolib qolgan. O‘shandan buyon u o‘ziga g‘amxo‘rlik qilgan bir tashkilotda ota-onasidan yashirinib yurgan.
Politsiya ma’lumotlariga ko‘ra, boshqa shaharda yashaydigan erkakka turmushga chiqishga rozi bo‘lmagan qizning ota-onasi uni supurgi bilan savalab, qizib turgan yog‘ bilan azoblagan. Xabarlarga ko‘ra, ota-ona 20 ming dollar evaziga majburiy nikoh haqida kelishib olgan.
O‘smir qiz va uning 5—15 yoshdagi besh uka-singillarini bolalarni himoya qilish markaziga joylashtirishdi. Ularning ota-onasi oila a’zolariga nisbatan doimiy ravishda zo‘ravonlik qilganlikda ayblanmoqda. Ayni paytda ular hibsda saqlanmoqda.
Izoh (0)