Reaktor kompaniyasining Finlyandiya poytaxtidagi yangi ofisi dizayni dSign Vertti Kivi & Co dizayn-firmasi tomonidan tayyorlangan.
Inshoot Skandinaviya minimalizmi uslubida bezatilgan. Qurilish materiallari, ranglar va pardozlash elementlari shimol tabiati mavzusida tanlab olingan: yog‘och, jun, namat, yashil o‘simliklar.
Loyiha ofisda ko‘tarinki muhit yaratish hamda xodimlarning ishlashlari va hordiq chiqarishlari uchun zarur barcha resurslar bilan ta’minlash g‘oyasiga asoslangan. Masalan, katta ayvon va derazalaridan xotirjamlikka chaqiruvchi manzara ko‘rinib turuvchi dam olish zonalari bunga dalil bo‘la oladi.
Muzokara xonalaridan, agar ular bo‘sh bo‘lsa, yakka-yolg‘iz ishlash uchun ish joyi sifatida foydalanish mumkin. Ishchi hududlar pardevorlar bilan ajratilgan bo‘lib, muhokamala vaqtida bu devorlarga bemalol yozish yo chizish mumkin, deb yozadi “vc.ru”.
Izoh (0)