Prezident farmoni bilan Bosh prokuratura va boshqa muassasalar tashkiliy tuzilmasiga o‘zgarishlar kiritildi, deb yozadi Norma. Bosh prokuratura tarkibida yangi boshqarmalarning tashkil etilishi Adliya vazirligi va Davlat bojxona qo‘mitasi tuzilmasidagi o‘zgarishlarga olib keldi.
Bosh prokuratura tarkibida quyidagi bo‘linmalar tuzildi:
- Yoqilg‘i-energetika kompleksidagi qonunchilikning ijro etilishi ustidan nazorat boshqarmasi;
- Moliya-bank sohasidagi qonunchilikning ijro etilishi ustidan nazorat boshqarmasi;
- Bojxona va soliq sohalaridagi qonunchilikning ijro etilishi ustidan nazorat boshqarmasi;
- Transport, qurilish sohasi va iqtisodiyotning boshqa tarmoqlaridagi qonunchilikning ijro etilishi ustidan nazorat boshqarmasi;
- Sog‘liqni saqlash, ta’lim sohasi va boshqa ijtimoiy sohalardagi qonunchilikning ijro etilishi ustidan nazorat boshqarmasi;
- Tadbirkorlik va investitsiyalarni huquqiy himoya qilish bo‘yicha boshqarma;
- Prezident qarorlari ijrosi ustidan nazorat boshqarmasi;
- Ma’muriy sud ishlarini yuritishda prokuror vakolatlarini ta’minlash boshqarmasi;
- Tergovni uslubiy ta’minlash boshqarmasi.
- Bosh prokuraturaning ijtimoiy qonunchiligi ijrosi ustidan nazorat boshqarmasi;
- Bosh prokuraturaning iqtisodiy qonunchiligi ijrosi ustidan nazorat boshqarmasi;
- Adliya vazirligining tadbirkorlik subyektlari va chet el investitsiyalarini huquqiy himoyalash boshqarmasi va uning hududiy bo‘limlari;
- Davlat bojxona qo‘mitasi nazorat organlari faoliyatini muvofiqlashtirish boshqarmasi va uning hududiy bo‘linmalari.
Izoh (0)