14-fevral kuni O‘zbekistonning mudofaa vaziri birinchi o‘rinbosari — Qurolli kuchlar Bosh shtabi boshlii general-mayor P. Ergashev boshchiligidagi harbiy delegatsiyaning Afg‘onistonga tashrifi yakunlandi. Bu haqda TIV matbuot xizmati xabar berdi.
Kobul shahrida O‘zbekiston delegatsiyasi Markaziy va Janubiy Osiyo davlatlari armiyalari bosh shtablari boshliqlarining yillik konferensiyalarida ishtirok etdi. Uning ishida, shuningdek, NATOning “Qat’iy madad” missiyasi qo‘mondonligi ishtirok etdi. Bundan tashqari, tadbirga Qozog‘iston, Qirg‘iziston, Tojikiston, Pokiston va Turkmaniston qurolli kuchlari oliy martabali vakillari qo‘shildi.
Konferensiya kun tartibidagi asosiy masalalardan biri terror hamda narkotik moddalar kontrabandasiga qarshi kurashdagi hamkorlik bo‘ldi.
Tashrif doirasida O‘zbekiston delegatsiyasi Afg‘oniston prezidenti Ashraf G‘ani tomonidan qabul qilindi.
Afg‘oniston rahbari Twitter’dagi sahifasida bu uchrashuv haqida quyidagilarni yozdi:
“Bugun O‘zbekiston va Qozog‘iston QK bosh shtablari boshliqlarini qabul qildim. Ularning tashrifi Afg‘oniston, O‘zbekiston va Qozog‘iston armiyalari o‘rtasida hamkorlikning yangi bosqichini boshlab beradi. Biz, shuningdek, terrorga qarshi kurash hamda uch mamlakat o‘rtasidagi iqtisodiy hamkorlikni faollashtirish masalalarini muhokama qildik”.
Izoh (0)