AQShning uchta xavfsizlik idorasi rahbari amerikaliklar Huawei va ZTE kompaniyalarining smartfonlaridan foydalanmasligi kerakligini ma’lum qildi. Bayonot Federal qidiruv byurosi direktori Kristofer Rey, Markaziy razvedka byurosi direktori Mayk Pompeo va Milliy xavfsizlik agentligi direktori Maykl Rojers tomonidan qo‘llab-quvvatlangan. Bu haqda TJournal xabar berdi.
Kristofer Reyning so‘zlariga ko‘ra, milliy telekommunikatsiya tarmog‘ida xorijiy davlat kompaniyasi keng o‘rin egallamoqda va bu uning idorasini tashvishga solmoqda. U bunday vaziyat ishlab chiqaruvchilarga qurilmalarni ataylab o‘zgartirish va ma’lumot o‘g‘irlashga imkon berishini ta’kidlamoqda.
Rojersning qo‘shimcha qilishicha, Xitoy kompaniyalariga qarshi turish vazifasi vaqt o‘tishi bilan faqat qiyinlashib boradi. Shuningdek, u Xitoy kompaniyalariga raqobat qilayotgan Amerika telekommunikatsiya kompaniyalarini maqtagan.
Izoh (0)