Qozog‘istonning Pavlodar viloyati politsiyachilari viloyat markaziga bir necha o‘n kilometr qolganida buzilgan avtobusning yo‘lovchilariga yordam ko‘rsatdi, deb xabar berdi “24.kz”.
Avtobus salonida Rossiyaga yo‘l olgan 55 nafar O‘zbekiston fuqarosi bo‘lgan. Viloyat ichki ishlar departamentining ma’lum qilishicha, politsiyachilar yo‘lovchilarni qishloq maktabiga yetkazib qo‘yish bo‘yicha barcha zaruriy choralarni ko‘rgan. U yerda yo‘lovchilar isinib olgan va qorinlarini to‘yg‘izgan.
Shundan so‘ng, O‘zbekiston fuqarolari o‘z yo‘lini boshqa avtobusda davom ettirgan. Rossiya chegarasiga yetib olgan yo‘lovchilarni belgilangan manzil tomon ruslarning avtobusi olib ketgan.
Elsatib o‘tamiz, joriy yilning yanvar oyi oxirida ham aynan Pavlodar viloyatida 58 nafar O‘zbekiston fuqarosi o‘tirgan avtobus qutqarib olingani haqida xabar berilgandi.
Izoh (0)