O‘zbekistonning Jeneva (Shveysariya) shahridagi vakolatxonasi yordamida O‘zbekiston matbuot va axborot agentligining Xalqaro noshirlar assotsiatsiyasiga (IPA) a’zo bo‘lishi yuzasidan tegishli tayyorgarlik ishlari olib borilmoqda. Bu haqda O‘zA xabar bermoqda.
Xalqaro noshirlar assotsiatsiyasi milliy, mintaqaviy nashriyot uyushmalarining dunyodagi eng yirik tashkilotidir. Afrika, Osiyo, Avstraliya, Yevropa va Amerika qit’asining oltmishdan ziyod mamlakatida faoliyat yuritayotgan saksonga yaqin tashkilot uning a’zosi hisoblanadi. Uyushma 5,6 milliarddan ortiq xaridorni qamrab olgan yirik bozorga ega. Tashkilot a’zolari ushbu bozorlarda o‘zlarining minglab matbaa mahsulotlarini namoyish etib boradi.
O‘zbekiston matbuot va axborot agentligi Xalqaro noshirlar assotsiatsiyasiga tashkilotga a’zo bo‘lish tashabbusi bilan chiqdi. Yaqinda agentlikka IPA’dan maktub keldi va unda assotsiatsiya Bosh kotibi Joze Borgino mazkur tashabbusni qo‘llab-quvvatlashini ma’lum qilgan. Shuni hisobga olib, ayni paytda agentlik tomonidan tashkilotga a’zo bo‘lish choralari ko‘rilmoqda.
Izoh (0)