O‘zbekistonlik fan arbobi: Kirish imtihonlarini MXX emas, Oliy va o‘rta maxsus ta’lim vazirligi nazorat qilishi kerak

O‘zbekiston Milliy axborot agentligi Samarqand iqtisodiyot va servis instituti professori, iqtisod fanlari doktori Murod Muhammedovning iste’dodli yoshlar qobiliyatini ro‘yobga chiqarishga yo‘l bermayotgan ta’lim tizimi haqida bildirgan fikrlari bilan bo‘lishdi.

“Kirish test imtihonlari milliy xavfsizlik xizmati vakillarining bevosita ishtirokida va qattiq nazorati ostida o‘tkaziladi. Shunga qaramasdan oliy o‘quv yurtiga faqat bilimi bor yoshlarni saralab olish muammosi hal bo‘lmayapti.

Ko‘p yillik tajriba shundan dalolat beradiki, shunday nufuzli tashkilotning test sinovlariga jalb etilishi oliy o‘quv yurtlariga eng qobiliyatli, bilimdon yoshlarni saralab olish muammolarini uzil-kesil hal etib bera olmayapti. Bu holatning asosiy sababi shundaki, ushbu tashkilot ta’lim sifati ko‘rsatkichlari bo‘yicha davlat oldida hech qanday hisobot bermaydi, uning asosiy javobgarligi Oliy va o‘rta maxsus ta’lim vazirligida. Modomiki, ta’lim sifatining javobgarligi Oliy va o‘rta maxsus ta’lim vazirligi zimmasida ekan, demak talabalikka saralab olish jarayonini o‘zi qat’iy nazorat ostiga olishi zarur”, — deyiladi maqolada.

Mazkur maqolaning to‘liq shakli bilan quyidagi havola orqali tanishi mumkin.