Sony bosh direktori Kadzuo Xirai 2-fevral, juma kuni to‘satdan iste’foga chiqishini e’lon qildi. Bu haqda “Vedomosti” xabar bermoqda.
Kompaniyani 2012-yildan beri boshqarib kelgan Xirai butkul ketayotgani yo‘q, u direktorlar kengashi raisi bo‘lib qoladi. O‘tgan vaqt mobaynida Sony moliyaviy ko‘rsatkichlari va ko‘plab bozorlardagi mavqeyini tiklashga muvaffaq bo‘lgandi.
Sony bosh direktori lavozimini 1-apreldan e’tiboran hozirgi moliyaviy direktor Ken’itiro Yosida egallaydi.
Kompaniya aksiyalari shu kuni 1,9 foizga qimmatladi. Oxirgi yil mobaynida Sony kapitallashuvi 55 foizga oshib, 6,5 trillion iyenga yetdi.
Izoh (0)