Туркия армияси яқин вақт ичида Сурия шимолидаги Африн шаҳрини эгаллашга уриниб кўради. Бу ҳақда Туркия президенти Ражаб Тоййиб Эрдўғон маълум қилди, дея хабар бермоқда «ТАСС».
«Аскарларимиз Африн тоғларини террорчилардан қадамба-қадам тозаламоқда. Қўшинларимиз Африн шаҳри томон ҳаракат қилмоқда, оз қолди», — деди Эрдўғон.
Туркия қуролли кучлари бош штаби 20 январь куни Сурия шимолидаги курд жанговар бўлинмаларига қарши «Зайтун новдаси» номли ҳарбий операцияни бошлаган эди.
Суриянинг Африн минтақасида 1,5 миллионга яқин курд ва қочоқлар яшайди. Туркия ҳукумати эса Африндаги асосий курд кучлари — «Халқ мудофаа қўшинлари» ҳамда «Демократик иттифоқ»ни террорчилик ташкилотлари деб ҳисоблайди.
Изоҳ (0)