Toshkent shahridagi shifoxonalarda aniq yashash manzili bo‘lmagan kishilar isinib, tibbiy yordam olishi uchun o‘rinlar ajratildi

Ob-havoning keskin sovib ketishi munosabati bilan Toshkent shahar hokimligi va IBBB tashabbusi bilan shahar sog‘liqni saqlash bosh boshqarmasi tizimidagi shifoxonalarda aniq yashash manzili bo‘lmagan shaxslar isinib, birinchi tibbiy yordam olishi uchun o‘rinlar ajratildi. Bu haqda IIBB matbuot xizmati ma’lum qildi. 

30-yanvar kuni ichki ishlar idoralari tomonidan o‘tkazilgan tadbirlar davomida tibbiyot muassasalariga 20 nafardan ortiq shunday fuqaro olib borilgan va joylashtirilgan.

Ular uchun quyidagi shifoxonalarda joy ajratildi:

• Bektemir tumanidagi shahar 6-sonli klinik shifoxonasi;
• Mirobod tumanidagi shahar 3-sonli klinik shifoxonasi;
• Sergeli tumanidagi shahar teri-tanosil dispanseri;
• Mirzo Ulug‘bek tumanidagi shahar 5-sonli klinik shifoxonasi;
• Olmazor tumanidagi shahar 1-sonli sil kasalliklari klinik shifoxonasi;
• Uchtepa va Chilonzor tumanlaridagi shahar tez tibbiy yordam klinik shifoxonasi;
• Shayxontoxur tumanidagi shahar 1-sonli klinik shifoxonasi;
• Yashnabod tumanidagi shahar 4-sonli klinik shifoxonasi;
• Yakkasaroy tumanidagi Yakkasaroy tuman tibbiyot birlashmasi statsionar qismi;
• Yunusobod tumanidagi shahar 7-sonli klinik shifoxonasi.