Об-ҳавонинг кескин совиб кетиши муносабати билан Тошкент шаҳар ҳокимлиги ва ИБББ ташаббуси билан шаҳар соғлиқни сақлаш бош бошқармаси тизимидаги шифохоналарда аниқ яшаш манзили бўлмаган шахслар исиниб, биринчи тиббий ёрдам олиши учун ўринлар ажратилди. Бу ҳақда ИИББ матбуот хизмати маълум қилди.
30 январь куни ички ишлар идоралари томонидан ўтказилган тадбирлар давомида тиббиёт муассасаларига 20 нафардан ортиқ шундай фуқаро олиб борилган ва жойлаштирилган.
Улар учун қуйидаги шифохоналарда жой ажратилди:
- Бектемир туманидаги шаҳар 6-сонли клиник шифохонаси;
- Миробод туманидаги шаҳар 3-сонли клиник шифохонаси;
- Сергели туманидаги шаҳар тери-таносил диспансери;
- Мирзо Улуғбек туманидаги шаҳар 5-сонли клиник шифохонаси;
- Олмазор туманидаги шаҳар 1-сонли сил касалликлари клиник шифохонаси;
- Учтепа ва Чилонзор туманларидаги шаҳар тез тиббий ёрдам клиник шифохонаси;
- Шайхонтохур туманидаги шаҳар 1-сонли клиник шифохонаси;
- Яшнабод туманидаги шаҳар 4-сонли клиник шифохонаси;
- Яккасарой туманидаги Яккасарой туман тиббиёт бирлашмаси стационар қисми;
- Юнусобод туманидаги шаҳар 7-сонли клиник шифохонаси.
Изоҳ (0)