Kobulning Intercontinental mehmonxonasidagi terakt qurbonlari va jabrdiydalari orasida amerikaliklar ham bo‘lgan. Bu haqda AQSh Davlat departamenti ma’lum qildi, deya xabar beradi “Interfaks”.
“Qurbonlarning oilasi va yaqinlariga chuqur hamdardlik bildiramiz, jarohatlanganlar tezda oyoqqa turib ketishini tilaymiz. Halok bo‘lganlarning oilalariga hurmat yuzasidan qo‘shimcha ma’lumotlar taqdim etilmaydi”, — deyiladi bayonotda.
Davlat departamenti teraktda jabrlangan AQSh fuqarolari sonini oshkor etmadi.
Eslatib o‘tamiz, oldinroq mehmonxonaga jangarilar uyushtirgan hujum oqibatida kamida 18 kishi halok bo‘lgani, ulardan 14 nafari chet ellik ekani ma’lum qilingandi.
Izoh (0)