Rossiyaning “Pansir-C” zenitli raketa-to‘p majmuasi (ZRTM) uchuvchisiz uchar qurilmalar ishtirokidagi yopirilma hujumlarni qaytarish uchun mukammal quroldir. AQShda bunga o‘xshagan hech narsa yo‘q, deb yozadi Amerikaning National Interest nashri.
Maqolada qayd etilishicha, Rossiya harbiylarining Suriyadagi harakatlari chog‘ida ushbu ZRTMlar raketa va uchuvchisiz qurilmalarni ko‘p bora urib tushirgan. Masalan, dekabda ular jangarilar tomonidan Xmeymim aviabazasiga uchirilgan ikkita raketani nishonga urgan.
Muallif ta’kidlashicha, harakat radiusi kichik bo‘lgani uchun, “Pansir-C” jurnalistlar tomonidan deyarli muhokama qilinmaydi. U, shuningdek, “Pansir” nafaqat raketa va dronlarni, balki pastlab uchayotgan samolyot va vertolyotlarni ham nishonga olishini qayd etdi.
ZRTM yuk mashinasiga joylashtiriladi. Uning ikkita 30 millimetrli zambaraklarining har biri soniyasiga 40 marta o‘q otishi, shuningdek, 12 ta zenitli raketa uchirishi mumkin.
Izoh (0)