Gruziya prezidenti Georgiy Margvelashvili o‘z vatanida sirtdan sud qilingan Mixail Saakashvilini afv etishni rejalashtirmayapti. Bu haqda u “Rustavi 2” telekompaniyasiga bergan intervyusida aytib o‘tdi, deb yozadi “RIA Novosti”.
“Qanday mantiq bo‘yicha Saakashvilini afv etishim kerak? Prokuratura ayblovni qanday e’lon qilish, tekshiruvni qanday tashkillashtirishni aniqlab ololmayapti, sudya afv etish haqidagi moddaning noqonuniy qo‘llanilishi chegarasini aniqlashtira olmayapti. Xo‘sh, Gruziya prezidenti afv etishi va shu bilan ularning xatolarini tuzatishi kerakmi?” — deya jahl bilan gapirdi Margvelashvili.
“Afv qilish — bu sud xatosini tuzatish emas, bu rahm-shafqat akti. Shunday voqelik qarshisida turib, Saakashviliga nisbatan his-tuyg‘u ko‘rsata olamanmi?” — deb so‘radi prezident.
U Saakashvilini prokuratura va sud “eski an’analar bo‘yicha faoliyat olib boradigan” tizimni yaratganikda aybladi, yangi hukumat esa unga barham berishga qodir emas.
5-yanvar kuni Gruziya sudi mamlakatning sobiq prezidenti Mixail Saakashvilini sirtdan uch yillik qamoq jazosiga hukm qilgan edi.
Izoh (0)