Checheniston rahbari Ramzan Qodirov Chechenistonda inson huquqlari buzilishi haqidagi xabarlarni “axborot hujumlari” deb atadi. Bu haqda “RIA Novosti” xabar bermoqda.
“Checheniston xaritada deyarli ko‘zga tashlanmaydi, ammo doimo G‘arb davlatlari va ularning mamlakatimizdagi yugurdaklari e’tibori markazida turadi. Biz muntazam ravishda go‘yoki respublikamizdagi inson huquqlarining qo‘pol buzilishlari bilan bog‘liq axborot hujumlariga to‘qnash kelamiz. Bularning barchasi esa havodan olib gapiriladi!” — dedi u.
Qodirovning so‘zlariga ko‘ra, axborot hujumlari yordamida dushmanlar chechen jamiyatida parchalanishga erishmoqchi va uni zo‘ravonlikka rag‘batlantirmoqchi.
Izoh (0)