Tailandning Pxipxi oroli yaqinida motor kater portlashi oqibatida kamida 16 kishi jabrlandi. Bu haqda “Korrespondent.net” xabar bermoqda.
Portlash kater sayyohlarni orolga eltayotgan chog‘da ro‘y berdi. Uning bortida xitoylik 26 nafar sayyoh(jumladan, uch nafar bola) va Tailandning 5 nafar fuqarosi — ekipaj a’zolari va gid bo‘lgan.
Bangkok Post nashriga ko‘ra, 6 nafar sayyoh kuchli darajada kuygan. Jabrlanganlar mahalliy kasalxonalarga yetkazildi.
Portlashga yoqilg‘i sizishi sabab bo‘lgani taxmin qilinmoqda.
Izoh (0)