Turkiya AQShning Suriyada “chegara xavfsizligi kuchlari”ni yaratish bo‘yicha rejalarini qoralaydi va o‘zining milliy xavfsizligiga har qanday tahdidlarga barham berishga qat’iy bel bog‘lagan, deb yozadi “Gazeta.ru” Turkiya tashqi ishlar vazirligi bayonotiga tayanib.
AQShning Suriyadagi yangi tashabbusi haqidagi xabarlar Turkiya prezidenti Rajab Toyyib Erdo‘g‘on tomonidan Turkiya armiyasi yaqin hafta ichida YPG — AQShga ittifoqdosh bo‘lgan Suriya kurdlari qurolli guruhlari nazorati ostidagi Manbij va Afrin hududlarida operatsiya boshlashi mumkinligi e’lon qilingan bir paytda paydo bo‘ldi.
“AQShning YPG bilan hamkorlikni davom ettirishi uning o‘z majburiyatlariga zid bo‘lish bilan birgalikda, bizning milliy xavfsizligimizni va Suriyaning hududiy yaxlitligini xavf ostiga qo‘yadi”, — deyiladi Turkiya TIV bayonotida.
Hujjatda, shuningdek, koalitsiya yangi guruh tuzish borasida Turkiya bilan maslahatlashmagani qayd etiladi.
Izoh (0)