Таиланднинг Пхипхи ороли яқинида мотор катер портлаши оқибатида камида 16 киши жабрланди. Бу ҳақда «Корреспондент.net» хабар бермоқда.
Портлаш катер сайёҳларни оролга элтаётган чоғда рўй берди. Унинг бортида хитойлик 26 нафар сайёҳ(жумладан, уч нафар бола) ва Таиланднинг 5 нафар фуқароси — экипаж аъзолари ва гид бўлган.
Bangkok Post нашрига кўра, 6 нафар сайёҳ кучли даражада куйган. Жабрланганлар маҳаллий касалхоналарга етказилди.
Портлашга ёқилғи сизиши сабаб бўлгани тахмин қилинмоқда.
Изоҳ (0)