9-yanvar, chorshanbaga o‘tar kechasi Gonduras qirg‘oqlarida 7,8 magnitudali zilzila sodir bo‘ldi. Bu haqda AQSh geologiya xizmatiga tayanib, “Interfaks” xabar berdi.
Yer osti silkinishining epimarkazi sohildan taxminan 200 kilometr shimolda, 33 kilometr chuqurlikda joylashgan.
Zilzila oqibatida jabrlanganlar va yetkazilgan talafotlar haqida hozircha ma’lumotlar yo‘q. Shu bilan birga sunami xavfi borasida ogohlantiruvchi Tinch okeani markazi kuchli to‘lqinlar yuzaga kelishi mumkinligi haqida xabar berdi.
“Yer silkinishi parametrlarining dastlabki tahlillarga asoslanadigan bo‘lsak, epimarkazdan 1000 kilometr narida joylashgan qirg‘oqlarga sunami to‘lqinlari xavf tug‘dirishi mumkin”, — deyiladi xabarda.
Izoh (0)