“Megafon” kompaniyasining sobiq bosh direktori Ivan Tavrin “Noviy Media Xolding” MChJ (“YuTV” xoldingining bosh kompaniyasi)ning 58,29 foiz aksiyalarini biznesmen Alisher Usmonovdan sotib olish bo‘yicha bitimni yakunladi, deb yozadi Forbes.
Oldi-sotdi qiymati va tafsilotlarini tomonlar vakillari ma’lum qilmadi.
Oldi-sotdi natijasida Tavrin “YuTV” xoldingidagi o‘z ulushini 100 foizgacha yetkazdi. Bundan tashqari, u “YuTV”ga tegishli bo‘lgan boshqa telexolding — “STS Media”ning 75 foizi ustidan nazorat o‘rnatdi.
“Men janob Usmonov va USM xoldingidan aktiv o‘z taraqqiyotining yangi bosqichini boshlashi uchun qulay shaklda bo‘lishiga qo‘shgan katta hissasi uchun juda minnatdorman”, — dedi Tavrin.
USM Holdings (Usmonovning aktivlarini boshqaradi) direktorlar kengashi a’zosi Ivan Streshinskiyning so‘zlariga ko‘ra, televizion aktivlar xolding uchun hech qachon profilli bo‘lmagan, Tavrin uchun esa doim ustuvor bo‘lib kelgan.
Avvalroq rossiyalik milliarder, USM Holdings egasi Alisher Usmonov “YuTV” televizion xoldingidagi ulushini sotib, televizion biznesni tark etayotgani xabar berilgan edi.
Izoh (0)