O‘zbekiston Henley & Partners’ning pasportlar indeksida ikki pog‘ona yuqorilab, 81-o‘rinni egalladi, deb yozadi “Podrobno.uz”.
Yashash joyini rejalashtirish masalalari bilan shug‘ullanuvchi Henley & Partners konsalting kompaniyasi har yili dunyo pasportlari reytingini e’lon qiladi, unda pasportlar vizasiz borish mumkin bo‘lgan mamlakatlar soni bo‘yicha joylashadi. Yangi indeksga ko‘ra, 2018-yil 1-yanvar holatiga o‘zbekistonliklar dunyoning 54 ta mamlakatiga vizasiz bora oladi.
Sobiq ittifoq mamlakatlari orasida Ukraina yetakchilik qildi. 114 ta davlatga vizasiz borish imkonini beruvchi Ukraina pasporti 44-o‘rinda joylashdi. Ro‘yxatdan Moldova va Rossiya (48-o‘rin), Gruziya (53), Qozog‘iston va Belarus (65), Ozarbayjon (72), Armaniston va Qirg‘iziston (76), Tojikiston (O‘zbekiston bilan birga 81-o‘rinda) ham joy oldi.
Erkin ko‘chib yurish uchun eng katta imkoniyatni Germaniya pasporti taqdim etadi — 177 ta mamlakat. Ikkinchi o‘rinda Singapur joylashdi. Uchinchi o‘rinni esa Shvetsiya, Buyuk Britaniya, Daniya, Italiya, Norvegiya, Finlyandiya, Fransiya va Yaponiya bo‘lishib oldi.
Izoh (0)