Bern universiteti mutaxassislari hamda Antarktika muzliklarining havo pufakchalari fani bo‘yicha Federal ilmiy-tadqiqot laboratoriyasining (EMPA) olimlaridan iborat xalqaro ekspertlar guruhi okeanning ming yillar davomidagi haroratini aniqlashga muvaffaq bo‘ldi, deb xabar berdi “TASS”.
Bern universitetining saytida yozilishicha, iqlimning isish sharoitida okean qo‘shimcha issiqlikning taxminan 90 foizini o‘ziga yutadi. “Bu esa dengizlarning o‘rtacha harorati bizning iqlimimizni hozirgi va o‘tmishdagi ahvoli haqida ko‘plab ma’lumotlarni beradi”, — deyiladi xabarda. Shu bilan birga uning natijalari joyga, mavsumga va dengiz sathining chuqurligiga bog‘liq. Havo pufakchalari ichidagi inert gazlar tarkibini tadqiq etishga asoslangan yangi usul “so‘nggi 24 ming yil ichida okean haroratini to‘g‘ri aniqlashga yordam beradi”.
“Bizning tadqiqotimiz atmosferadagi inert gazlar va okeanlarning o‘rtacha harorati o‘rtasidagi bog‘liqlikning asosiy g‘oyasi to‘g‘ri ekanligini va ushbu usul ishlashini ko‘rsatib beradi”, — deydi xalqaro ilmiy guruh rahbari Berxard Bereyter.
Izoh (0)