Meksikada joylashgan ko‘lning tubidan koinotning qadimiy modeli topildi

Bir guruh arxeologlar Meksikadagi Istaksiuatl vulqoni yonida joylashgan ko‘l tubidan qadimiy ibodatxonani topdi. Tadqiqotchilarning so‘zlariga ko‘ra, ushbu topilma koinotning qadimgi atsteklar tomonidan yaratilgan moduli hisoblanadi. Bu haqda ScienceAlert! portaliga tayanib, “RIA Novosti” xabar berdi.

Obyekt dengiz sathidan 4 ming metr balandlikda topilgan bo‘lib, u turli o‘lchamdagi toshlardan qurilgan. Olimlarning ta’kidlashicha, ibodatxona shunday qurilganki, ko‘l qirg‘og‘ida turgan kuzatuvchida toshlar suv ostida emas, balki uning yuzasida suzib yurgandek tasavvur uyg‘otadi.

“Suv yordamida yaratilgan vizual effektlar va unda ishlatilgan konstruksiya elementlarining o‘ziga xosligi qarshimizda qadimgi atsteklarning koinot borasidagi tasavvurining miniaturasi turganini ko‘rsatadi”, — deydi arxeolog Iris Ernandes.

Ernandesning qayt etishicha, modelda dunyoning yaratilishi borasida atsteklarning afsonalari tasvirlangan. Unga ko‘ra, qadimda quruqlik bo‘lmagan. Xudolar dengizda yashovchi Sipaktli nomli dengiz maxluqining tanasidan osmon va yerni yaratgan.

Ibodatxonaning yoshi hali aniqlanmadi, biroq uning atrofidan topilgan predmetlar eramizning VIII asriga tegishli ekanligi ma’lum.