Hindistonning Jammu va Kashmir shtatida mikroavtobusning jarga qulashi oqibatida kamida olti kishi halok bo‘ldi, yana 19 kishi turli darajada tan jarohati oldi. Bu haqda “RIA Novosti” xabar bermoqda.
Hindustan Times gazetasi ma’lumotlariga ko‘ra, hodisa “Ramnagar — Udhampur” yo‘lining Kagot aholi yashash punkti yaqinidan o‘tgan qismida yuz bergan. Avtobus salonida jami 25 nafar yo‘lovchi bo‘lgani aytilmoqda.
“Uch-to‘rt yo‘lovchi og‘ir ahvolda Jammudagi maxsus tibbiy yordam muassasasiga olib kelingan”, — dedi mahalliy politsiya vakili Muhammad Rais Bhat.
Dastlabki ma’lumotlarga ko‘ra, avariya haydovchi tomonidan yo‘l harakati qoidalari buzilgani oqibatida yuz bergan.
Izoh (0)