Turkiya Suriyada prezident Bashar Asadsiz saylov o‘tkazilishi tarafdori. Bu haqda mamlakat prezidenti Rajab Toyyib Erdo‘g‘on ma’lum qildi, deya xabar berdi “TASS”.
“Maqsadimiz Suriya inqirozini Asad bilan hal etish emas, balki usiz va Suriya xalqi demokratik irodasiga muvofiq saylovlar o‘tkazishdan iborat. Biz shunday bo‘lishiga harakat qilamiz”, — dedi Erdo‘g‘on.
O‘tgan yil oxirida Erdo‘g‘on Tunisga tashrifi davomida Suriya prezidentini “millionga yaqin fuqarosini o‘ldirgan terrorchi” deb atagan va u bilan hamkorlik qilinmasligini bildirgandi.
Izoh (0)