Вояга етмаган Амирҳусайн Пуржафар Эронда 2017 йил октябрида чиқарилган ўлим жазоси ҳукми асосида 4 январь куни қатл этилди. Бу ҳақда Европа ташқи сиёсий хизмати расмий вакили маълум қилди, деб ёзади «Интерфакс».
«У оғир жиноятда айбдор деб топилган, Европа иттифоқи марҳумнинг оиласига чуқур ҳамдардлик билдиради», — дейилади Брюссель томонидан тарқатилган коммюникеда.
Шу билан бирга, Европа ташқи сиёсий хизмати вакили баёнотида таъкидланишича, «ўн саккиз ёшдан кичик шахслар томонидан амалга оширилган жиноятлар учун ўлим жазоси Фуқаролик ва сиёсий ҳуқуқлар ҳақидаги халқаро битим ва Болалар ҳуқуқлари ҳақидаги конвенцияга мувофиқ Эроннинг халқаро мажбуриятларига зиддир».
«Европа иттифоқи ҳеч қандай истисносиз ҳар қандай ҳолат ва шароитлардаги ўлим жазосига қарши чиқади ва унинг умумий бекор қилинишига эришади», — дейилади ҳужжатда.
Изоҳ (0)