“Xavfsiz shahar” loyihasi doirasida Toshkentda avtotransport vositalari uchun jamoat intellektual avtoturargohlar tarmog‘i tashkil etiladi, deb xabar berdi “Novosti Uzbekistana”.
Yangi avtoturargohlarda mashinalarni “tanish”ning eng oldi texnologiyalaridan foydalaniladi. Shuningdek, ular onlay-to‘lov funksiyasi ham o‘zida mujassamlashtiradi.
Loyihani 2018—2019-yillar davomida amalga oshirish rejalashtirilmoqda.
Shu bilan birga, shahardagi transport oqimini videokuzatish tizimi ham parallel ravishda kengaytirib boriladi. Unga yangi funksiyalar qo‘shiladi: hodisa sodir bo‘lgan joydagi kameradan tasvirni chiqarish, mobil kameralar orqali olingan tasvirlarni namoyish etish. Bundan tashqari tizim avtomatik ravishda avtomobil egasining shaxsini va transport vositasi raqamini aniqlay oladi.
Izoh (0)