2017-yil oxiriga kelib AQSh prezidenti Donald Trampning mashhurlik darajasi 39 foizgacha o‘sdi. Bu ko‘rsatkich o‘tgan yilning oktabr oyida rekord darajadagi minimumga ya’ni 33 foizga tushib ketgan edi, deb xabar beradi “TASS”.
Sotsiologlarning aniqlashicha, 31-dekabr, yakshanba kuni yakunlangan haftada 39 foiz amerikaliklar Trampning faoliyatiga ijobiy baho bergan, 55 foiz amerikaliklar esa aksincha fikr bildirgan.
So‘rovnomada hammasi bo‘lib 1,5 ming kishi ishtirok etgan. Mazkur mashhurlik darajasi iyun o‘rtasidan beri qayd etilgan eng yaxshi natija bo‘ldi.
O‘tgan yilning oktabr oyida 33 foiz amerikaliklar Tramp siyosatini qo‘llab-quvvatlagan. Mamlakat fuqarolarining 62 foizi uning faoliyatini qoniqarsiz, deb baholagan.
Sotsiologlar mamlakat prezidentining mashhurlik darajasi yil oxiriga kelib nima sababdan o‘sganini ma’lum qilmagan. Buning asosiy sabablaridan biri soliqlarning kamayishiga xizmat qilishi kutilayotgan soliq islohoti to‘g‘risidagi qonunning qabul qilingani bo‘lishi mumkin.
Izoh (0)