2017 йил охирига келиб АҚШ президенти Дональд Трампнинг машҳурлик даражаси 39 фоизгача ўсди. Бу кўрсаткич ўтган йилнинг октябрь ойида рекорд даражадаги минимумга яъни 33 фоизга тушиб кетган эди, деб хабар беради «ТАСС».
Социологларнинг аниқлашича, 31 декабрь, якшанба куни якунланган ҳафтада 39 фоиз америкаликлар Трампнинг фаолиятига ижобий баҳо берган, 55 фоиз америкаликлар эса аксинча фикр билдирган.
Сўровномада ҳаммаси бўлиб 1,5 минг киши иштирок этган. Мазкур машҳурлик даражаси июнь ўртасидан бери қайд этилган энг яхши натижа бўлди.
Ўтган йилнинг октябрь ойида 33 фоиз америкаликлар Трамп сиёсатини қўллаб-қувватлаган. Мамлакат фуқароларининг 62 фоизи унинг фаолиятини қониқарсиз, деб баҳолаган.
Социологлар мамлакат президентининг машҳурлик даражаси йил охирига келиб нима сабабдан ўсганини маълум қилмаган. Бунинг асосий сабабларидан бири солиқларнинг камайишига хизмат қилиши кутилаётган солиқ ислоҳоти тўғрисидаги қонуннинг қабул қилингани бўлиши мумкин.
Изоҳ (0)