Farg‘ona vodiysini O‘zbekistonning qolgan qismi bilan bog‘lovchi Qamchiq dovonidan o‘tgan avtomobil yo‘li 27-dekabr kuni soat 17:20 da ochildi, qatnov qayta tiklangan.
Favqulodda vaziyatlar vazirligidan “Daryo”ga ma’lum qilishlaricha, dovon 27-dekabrga o‘tar kechasi soat 3:00 da yopilgan edi. Bunga dovonda noqulay ob-havo sharoiti sabab bo‘lgan; hududda tunda havo harorati -9...-7 daraja sovuq bo‘lgan.
Bir muddat avval Qamchiq dovoni bo‘ylab avtomobillar to‘xtatib qo‘yilgani haqida xabarlar tarqalgan edi. Xususan, ijtimoiy tarmoqlarda izg‘irinda qolib ketgan ko‘plab mashinalarning suratlari va videolari tarqalgan edi.
“Ayni paytga kelib dovonda avtomobillar qatnovi to‘liq qayta tiklangan”, — deydi vazirlik vakili.
Izoh (0)