Qozog‘istonda qariyb 55 ming nafar davlat xizmatchisining ijtimoiy tarmoqlardagi akkauntlarini tekshirib chiqishdi. Natijada beadab xulqi uchun 270 dan ortiq kishi jazolandi, deb yozadi Kazakhstan Today.
Tekshirilgan 54 745 nafar xodimdan 2212 nafarining akkauntlarida shubhali mazmundagi 2300 dan ortiq fotosurat, 21 ta video va 46 ta izoh, shuningdek, jamoatchilik tomonidan tanqidni keltirib chiqarishi mumkin bo‘lgan materiallar aniqlangan.
Fotosurat va videolavhalarda davlat xizmatchilari ko‘ngilochar muassasalarda spirtli ichimliklar ichayotgani, behayo gaplar gapirayotgani aks etgan, ba’zi suratlar qimor o‘yinlari, bukmekerlik stavkalariga nisbatan qiziqishlarni namoyon qiladi. Markaziy davlat va mahalliy ijroiya organlari davlat xizmatchilaridan 277 nafari turli intizomiy jazolarga tortilgan.
Izoh (0)